Fèùwach Portland Bureau of Transportation (PBOT) a affisata ew prokram itan Safe Street Inititave (Túmúnún Won Anenenap) ren an epwe ekisi ewe osukosukan samau COVID-19. PBOT a fori ekkei akasiwin non mwochomwochen fansoun won ekkewe anenap an epwe mecheres ngeni aramas at repwe towauw fessen fansoun ar fetan, wawa pasiken, skate, me fansoun ar no ngeni nenian angan ika ngeni iimwan sopai.
NGE PWATA IEI
PBOT mei sapata an epwe sopweno an epwe anisi ach aterenges. Ina mine sia fori ekkei ekisiwin nupwen ei osukosuken semwen a fen fisi ngeni kich:
- ARAMAS REPWE SOPWENO NE SÀÀ ANONGONONG WON MET MI AUCHEA REN AR REPWE NO NGENI AR KEWE ANGANG. Napenòn ekkewe FRONTLINE WORKERS (ekkewe aramas ra winisin atawei osukosuk mei atapwanapwan), me pwan pachenong ekkewe iir mei angang non ekkewe nenien angang epwe soposopono ne suuk.
- Ekkewe chòòn fetan me sàà won pasiken epwe weires ngenir ar repwe towau fesen nefiner nupwen epwe chommong aramas.
- Napeseni 1/3rd chòòn winopos non Portland iir mei nonomw non ekkewe apartment esapw wor ar nenien nonomw me asèsè nukun. Iei popun sisapw pesei omw kopwe nòmw nukun iimwomw ren tùmùnùèochùmw me nonomwuumw.
- Ekkewe sopai epwe awora nenien aramas an epwe mecheres ngenir ar repwe towau fesen. Epwe pwan auchea an ewe public health epwe soposop ne peisei ekkewe annuk inamwo ika pwe ei annuukun nomwonong non iimw a katano.
MET EPWE TONGENI ANISIKICH
PBOT mei ausening ngeni ekkewe sousafei ren ar pesepes ren met epwe tongeni auku fetanin ei koronafaires me met epwe tongeni anisi mwamwarin moni tonong. PBOT epwe etiwa ekkei ekesiwin nge ikei ach kei anapanap a kawor:
- PESEI ARAMAS AR REPWE NOMWONONG NEIIMW REN TUMUMUNUR. PBOT epwe awora sein kààp aramasan Portland fansoun sààii mi namwot. Ren ei wewe, sipwe tumunu chòòn non ach aterenges mi mecheres an epwe torir ewe semwen epwe kawor ngenir waar ren ar repwe tùmùn non fansoun ar sààii
- ANISI AN MONI EPWE AMWAKUUT SEFAN. PBOT a mochen awora ekkòòch pekin aninisin ngeni ekkewe kinikinin aterenges iir mei winipos non Portland me ekkewe sopai mei tonong non watte non turutiw ren ei osukosuk. Esapw ewòòch aninis ren iei chòòk nge epwe sopwosopw tori an epwe chimweta sefan.
- APWENUETTA TOWAU FESENIN NEFINEN ARAMAS WON EKKEWE ANENAP. Won ekkewe sidewalks (nenien fetan) me anenap, PBOT epwe awora nenien aramas ar repwe tuffichin towauw fessen. Epwe pwan pachenong ach nenien angang me chòòn deliever/pickup (chòòn uwouto me angei pisek), me nèùch customer (chòòn kamèè) ar repwe towauw fessen fansoun ar ateten.
- APECHEKUNA MET PORTLAND MI AUCHEANI ME MET MEI MOCHEN EPWE PWENUETTA. Non mettòòch meinisin kich mei fofori, PBOT epwe sopwei an epwe apwechèkùna ekkei pesepes seni neniach ren an epwe wor tipe-ew me esinesin ren ei osukosuk
IFFA USSUN ANGANGAN
- ANENAP EPWE MASSÈSÈ. PBOT epwene siwini ekkewe low-traffice streets (ekkewe “neighborhood greenways”) ngeni an chok ekkewe chòòn winipos repwe sàà wor. Ei epwe akisi an ekkewe mei auchea ar sàai repwe tongeni nenian ar angan ika uwounò pisek. Epwe pwan suki ekkewe an an epwe mecheres sàsàn waa me mecheres ach kanengeni imwach.
- TÙMÙNÙN WON EKKEWE ANENAP MEI CHOMMONG WAA WÒÒN. Ren ekkewe anenap me nenien fetan epwe chommong waa ika aramas won, PBOT epwe ekesiwini kokotun an epwe wor nenien fetan nge aramas repwe towauw fessen non ùkùkùn 6 fiit.
- NENI MEI TÙMÙN ME IIR MEI PWÈCHÈKÙN. PBOT epwe anisi ekkewe sopai iir mei nomw mesen ewe anenap an epwe mecheres an aramas repwe etto angei ar pisek me epwe watte nenien witiwit an aramas repwe towauw fessen fansoun ar nomw non nain fansoun kamètiw ika awiti met repwe etto angei.
- APÈCHÈKÙNA ANGANG FENGEN. PBOT epwe chok usun me mwan. Epwe sopwosop an ekkewe anenap epwe suuk ngeni meinisin, inamwo ara kopwe fetan, wawa pasiken, skate, ika unteng.
- POPOROUS FENGEN. Ekkei ekesiwin pungunò fansoun ew watte osukosuk mi ffisi. Sia mochen rong sonuk ifan ussun ekkei ekesiwin, me ifa ussun ach sipwe pwan ekesiwini non ekkan rààn mwach.
KÈKÈRI KICH
Ifa ussun ei prokram? Mei wor ekkòòch neni epwe kawor ngonuk, omw pisnis, ika aterenges ren ami oupwe tongeni nomw nge towauw fessen? Kèkèri 503-823-7233 ika email safe@portlandoregon.gov
Neniach Portland mei awora ekkei prokram mei auchea ngeni nonomwuch ren pekin aninis fanitan mei nomw fan nùrrùùn ewe anuuk Civil Rights Title VI me ADA Title II ar repwe awora: chòòn chiakù, pekin aninisi ngeni aramas mei chuun ika rese tongeni rongorong,ika fen ekkewe chòòn sukun mei wor terir. Ka tongeni kèkèri ei nampan foon omw kopwe tingor ekkei pekin aninis ren 503-823-5185, City TTY 503-823-6868, Relay Service: 711